De l’analyse des besoins des ingénieurs de l’industrie automobile en Galice à l’analyse des dispositifs didactiques mis à leur disposition

Resum

Este traballo pretende ser unha contribución ao ensino do FOS (francés con fins específicos) a través dunha análise do contexto lingüístico dos enxeñeiros que estudan francés no sector do automóbil. Mediante o estudo das particularidades deste público, esta tese tentará determinar se existe un marco común no relativo ás necesidades e expectativas dos alumnos deste campo profesional. Nun primeiro momento definiremos o estatus do FOS en relación co do FLE (francés lingua estranxeira) para estudar a continuación o contexto de ensino, así como o perfil e as necesidades lingüísticas e de aprendizaxe dos enxeñeiros que estudan francés en tres importantes empresas do sector en Galiza. Para concluír, analizaremos tres manuais representativos de francés profesional presentes no mercado para avaliar a súa utilidade co noso público.